आषाढ़ १२ गते, २०६९ मा प्रकाशित
काठमाडौ – यु-१९ एसीसी क्रिकेट कपमा नेपाल समूह चरणबाट बाहिरिएको छ । मलेशियामा जारी खेलमा मंगलबार भारतसँग खेलेको नेपाल ८१ रनले पाराजित भएपछि बाहिरिएको हो ।
भारतलेद्वारा नेपाललाई १ सय ७७ रनको चुनैती दिएको थियो । जवाफी ब्याटिङ्गमा उत्रेको नेपालले २७. ३ ओभरमा ९१ रनमा सीमित भएपछि नेपाल समूह चरणबाट बाहिरियो ।
नेपाललाई सस्तैमा समेटन भारतका विकास मिश्रले ४ विकेट लिएका थिए । यस्तै सन्दीप शर्मा, मोहसिन सायद र हरमित सिंहले क्रमश २-२ विकेट लिए ।
बाबा अपराजितले सर्वाधिक ५५ रन वनाए । उन्मुक्त चन्दले ४७ तथा एडी नाथ र हरमित सिंहले १३-१३ रन जोडे । यस्तै एसभी सामसन र एसके पटेलले समान ९-९, मिश्रले ६ , एसएस डासले ५ रन जोडे । त्यस्तै सन्दीप शर्मा र भीएच जोलले एक-एक रन लिए ।
वर्षका कारण नेपालका खेलाडीहरुले खुलेर व्याटिङ गर्न सकेनन् । नेपालका लागि भुवन कार्कीले सर्वाधिक २४ रन लिए । राजेश पुलामी मगरले १७, राहुल विश्वकर्मा १२, सुवाश खकुरेल ९ रनमा आउट भए । भारतका मिश्र म्यान अफ दी म्याच भए । भारतले ४५.२ ओभरमा रनआउट भएको हो ।
भारतसँगको खेलमा नेपालले भारतको २९ बल बाँकी हुँदै सबै विकेट झारेको थियो । विकेट झार्नेमा नेपालका भुवन कार्की र राहुल विश्वकर्माले समान ३-३ विकेट लिए । यस्तै सगार पुनले २, अविनास कर्ण र पृथु बाँसकोटाले क्रमश १-१ विकेट लिए । RSS
अन्य समाचारहरु
