युएईमा रुन्चे गायक पौडेल सम्मानित/अन्तरसस्था नृत्य प्रतियोगिता सम्पन्न

बैशाख १४ – दुबइ ,    रुन्चे गायकको रुपमा चिनिएका कलाकार प्रकाश पौडेल युएईमा सम्मानित भएका छन । “नाइ आमा मलाई त्यही केटी चाहिन्छ” , गीतलाई रुन्चे स्वरमा गाए पछि पौडेललाई रुन्चे गायकको उपाधी दिईएको थियो । 

रुन्चे गायकको उपाधी पाएका पौडेलले पछिल्लो समय प्रवासमा बसेर नेपाली गीत सगिंतमा योगदान दिएको भन्दै उनलाई सम्मान गरिएको हो । गायक पौडेल अहिले सम्युत्त अरब एमिरेट्स युएईमा बैकिंक क्षेत्रमा कार्यरत छन । उनी नेपालकै बैकिङ प्रतिनिधिको रुपमा युएईमा कार्यरत छन । 

३ बर्ष अघि दुबइ आएका उनी यहाँ नै अध्ययन गरेर आफ्नो पेशालाई अगाडि बडाएका थिए । रोजगारी सगैं पछिल्लो समय उनी म्युजिक भिडियो तथा सांगितिक एल्बम बजारमा ल्याउन ब्यस्त छन ।      

“तिते पाती तिते पाती झ्याप झ्याप झ्याप” बोलको गीत बाट युवा पुस्ताको मन मस्तिस्कमा बसेका पौडेलले अहिले खाडी मुलुकमै बसेर “वलेकुम सलाम” नामक अर्को गीत सार्वजनिक गरेका छन । ‘सिक्स मन्थ’ नामक गिती एल्बममा उनले सो म्युजिक भिडियो सार्वजनिक गरेका हुन । 

प्रवासमा बसेर गायक पौडेलले नेपाली सांगितिक क्षेत्रमा दिएको योगदानको कदर स्वरुप पथरि युवा समाज युएईले सम्मान गरेको हो । गत शुक्रबार समाजले आयोजना गरेको एक कार्यक्रमका बिच पौडेललाई सम्मान गरिएको हो । दोशल्ला ओढाइ सम्मान पत्र र मायाको चिनो द्वारा सम्मान गरिएको थियो । 

कार्यक्रममा युएईमा रहेका संघसस्था बिच अन्तर सस्था नृत्य प्रतियोगिता समेत गरिएको थियो । प्रतियोगितामा ११ समुहले सहभागीता जनाएका थिए । प्रतियोगितामा कलाकारहरुले एकल र युगल नृत्य प्रस्तुत गरेका थिए । 

प्रतियोगितामा एकल नृत्य तर्फ मगर संघ युएईकी शिला राना मगर प्रथम भईन । उनले ‘कल्ले लाने हो मलाई डोलीमा सजाई’ बोलको गीतमा नृत्य प्रस्तुत गरेर प्रथम भएकी हुन । पाथिभरा माउन्ट एभरेष्ट युबा क्लबका अमित योङ्हाङ दोस्रो भए । ‘मायाले बाँध्यो लौ रेशम’ बोलको गीतमा नृत्य प्रस्तुत गरेर दोस्रो स्थान प्राप्त गरेका हुन । 

त्यस्तै युगल नृत्य तर्फ तमु समाज युएईका दिपक गुरुङ(दिपा) र नमुना गुरुङको जोडी प्रथम भए । ‘ए भिनाजु यो साल’ बोलको गीतमा उनीहरुले नृत्य प्रस्तुत गरेका थिए । मगर संघ युएईका कलाकार  सपना राना र भुवन थापामगरको जोडीले ‘सिम्पल सिम्पल कान्छीको डिम्पल पर्ने गाला’ बोलको गीतमा प्रस्तुत गरेको नृत्यले दोस्रो स्थान प्राप्त गर्यौ । 

प्रथम र दोस्रो स्थान हासिलगर्ने कलाकारलाई कप ,मेडल र प्रमाण पत्र द्वारा सम्मान गरिएको थियो ।   

प्रतियोगितामा निर्णायक भूमिका नृत्य निर्देशक रमण दाहाल,मोहन संग्रौला र रुन्चे गायक प्रकाश पौडेलले निर्बाह गरेका थिए । कार्यक्रमको बीचबीचमा अप्रत्योगी नृत्य तथा सागितिक एवम साहित्यिक प्रस्तुती समेत गरिएको थियो । 

प्रतियोगितामा तक्मे बुडाको क्यरिकेचर गरेर हरि खनाल र रमेश खडकाले उपस्थित दर्शकलाई पेट मिचीमिची हसाएका थिए ।   

कार्यक्रममा उपस्थित सबैले भरपूर्ण मनोरन्जन लिएका थिए । बर दुबइमा रहेको एभरेस्ट होटलको सभाहल दर्शकको उपस्थितीले खचाखच भरिएको थियो । 

 

समाजका अध्यक्ष कृष्ण पौडेलको शभापतित्व तथा बिभिन्न संघसस्थाका प्रतिनिधिको उपस्थिती तथा पत्रकार त्रिलोचन कोइराला र मोहन गौतमको सन्चालनमा कार्यक्रम सम्पन्न भएको हो । कार्यक्रमको प्रवासी अन्लाईन डट्कम् ले प्रत्यक्ष भिडियो प्रशारण गरेको थियो ।