अमेरिकी डलर लगातार उकालो लाग्दा नेपाली रुपैयाँ इतिहासमै कमजोर

हिजो बैंकहरुले डलर एक सय रुपैयाँ ९० पैसासम्ममा कारोबार गरे । राष्ट्र बैंकले एक डलरको मूल्य ९८ रुपैया ९५ पैसा तोके पनि बिहान बजार खुल्ने वित्तिकै बैंकहरुले मूल्य बढाएर कारोबार सुरु गरेका थिए । गत बर्षको असार ९ गते एक डलरको मूल्य त्यतिबेलासम्मको महँगो ९१ रुपैयाँ ८८ पैसा पुगेको थियो । त्यसपछि घट्न थालेको डलरको मूल्य चार महिनायता भने निरन्तर उकालो लागिरहेको ।

दुई महिनायता डलरले हरेक साताजस्तो नयाँ कीर्तिमान छोईरहेको छ । भारतीय मुद्रा कमजोर हुँदा डलरको भाउ बढेको हो । भारतीय रुपैयाँसँग नेपाली मुद्राको स्थिर विनिमय दर एक सय भारतीय बराबर १ सय ६० नेपाली रुपैयाँ भएकाले भारतीय मुद्रा कमजोर हुँदा नेपाली रुपैयाँ सस्तिएको हो ।