भाद्र २३ गते, २०७० मा प्रकाशित
काठमाडौं । साताको पहिलो दिन आइतबार शेयर बजारमा सुधार भयो । बजार परिसूचक नेप्से साढे पाँच अंकले बढेर ५ सय ५२ मा पुग्यो । यसदिन जलविद्युत र वाणिज्य बैंक समूहमा उच्च अंकको सुधार आएसँगै नेप्से बढेको हो ।
जलविद्युत समूह सबैभन्दा उच्च ३० अंक बढिले र वाणिज्य बैंक समूह पनि ८ अंक बढिले उक्लियो । वाणिज्य बैंकहरुले धमाधम लाभांश घोषणा गर्न थालेसंगै यो समूहको सूचकमा सुधार आउन थालेको हो ।
यसदिन ९६ कम्पनीको ४ लाख १८ हजार बराबर कित्ता शेयर २३ करोड ५१ लाख रुपैयाँ बराबरमा खरिद विक्री भएको नेपाल स्टक एक्सचेन्जले जनाएको छ ।
यसदिन नविल बैंकको शेयर भाउ सबैभन्दा बढी १ सय ८२ रुपैयाँले बढ्यो भने एभरेष्ट बैंकको शेयर भाउ १ सय २८ रुपैयाँले घट्यो ।
अन्य समाचारहरु
