सागमा फुटबलको स्वर्ण पदक दिलाएर स्वदेश फर्किएका राष्ट्रिय फुटबल टोलीलाई भव्य स्वागत्

---

साग फुटबल बिजेता नेपाली राष्ट्रिय फुटबल टोली काठमाडौं आइपुगेको छ। टोली पौने ५ बजे त्रिभुवन विमानस्थलमा आइपुगेको हो। अपरान्ह ३ बजे नै आइपुग्ने भनिएता पनि जहाज डिलेका कारण ढिलाइ हुन पुगेको थियो।

 

टोली भद्रपुर विमानस्थल हुँदै काठमाडौं आएको हो। गुवाहाटीबाट बागडुग्रासम्म जहाजमा आएको टोली बागडुग्राबाट भने भद्रपुर विमानस्थलसम्म बसमा आएको थियो।

 

टोलीलाई विमानस्थलमा भब्य स्वागत गरिएको छ । विमानस्थलका कर्मचारी जहाजमै गरेर खेलाडीहरुको स्वागत गरेका छन्। सेनाको  गाडीमा राखेर उनीहरुलाई नगर परिक्रमा गराइँदैछ । सेनाले सम्मान सघाउनका लागि एक टुकुडी  नै खटाएको छ।

 

फुटबल टोलीको स्वागत गर्न त्रिभुवन विमानस्थलमा फुटबलका फ्यानहरुको घुइँचो लागेको छ। उनीहरुलाई आजै नगर परिक्रमा समेत गरिने एन्फाले जनाएको छ।

 

विमानस्थलबाट सुरु हुने विजय जुलुस तिलगंगा चोक, गौशाला, रातो पुल, ज्ञानेश्वर, कमलपोखरी हुँदै पुतलीसडक आइपुग्ने छ। पुतलीसडकबाट प्रदर्शनीमार्ग, भद्रकाली, सुन्धारा, न्युरोड गेट, जमलहुँदै केशरमहल र त्यहाँबाट नारायणहिटी संग्रहालय हुँदै पुरानो बसपार्क आइपुगेर सहिदगेट, सुन्धारा हुँदै दशरथ रंगशालामा पुगेर टुङ्गिने एन्फाले जनाएको छ।

 

साग फुटबलमा द्धितिय भएको महिला फुटबल टोली भने आज मध्यान्ह काठमाडौं आइपुगेको छ। सेतोपाटीमा समाचार छ ।