कृष्ण परीयार , अर्घाखाची डट्कम ।
बुटवल, साउन – लायन्स क्लव अफ बुटवल स्टार्सद्धारा लुम्बिनी अपाङ्ग तथा दृष्टिविहिन अनाथ आश्रम बुटवल–१५ उजेलापुरलाई सहयोग गरेको छ ।
क्लवका अध्यक्ष विजय कुमार बर्णवालको जन्मोत्सवको अवसरमा आश्रममा १५ हजार रुपैयाँ बराबरको खाद्यान्न सामग्री प्रदान गरिएको हो । लायन्स डिष्ट्रिक ३२५ पिका सचिव तथा क्लवका संस्थापक अध्यक्ष सन्दीप कसौधन, निर्वतमान अध्यक्ष एन्जील खानले संयुक्त रुपमा आश्रमका सचिव लिलाराम रोकलाई प्रदान गरिएको हो ।
कार्यक्रममा बोल्दै संस्थापक अध्यक्ष सन्दीप कसौधनले विगत लामो समय देखि लायन्स स्टार्सले नमुनायोग्य कामगर्दै आएको बताउँदै आगामी दिनमा पनि सामाजिक क्षेत्रमा क्रियाशिल रहने बताएका थिए ।
कार्यक्रममा क्लवका सचिव डि.एस भट्राई ले क्लवले सामाजिक क्षेत्रका अनुकरणीय काम गर्दै जाने बताए ।
श्रावण ५ गते, २०७९ मा प्रकाशित
