गुल्मी । गुल्मीको बलिथुम गाविसमा लु १ ज १३५३ नम्बरको जिप दुर्घटना हुँदा ५ जना घाइते भएका छन् । घाइतेमध्ये एक जनाको अवस्था गम्भीर रहेको छ।
राती ३ बजे गुल्मीको मजुवाबाट सदरमुकाम तम्घास आउँदै गरेको सो जिप बलिथुम गाविसको थाक्सीपोखरा नजिकै दुर्घटना भएको जिल्ला प्रहरी कार्यलय गुल्मीले जनाएको छ ।
जिप दुर्घटनामा परी गुल्मी तम्घासका लाल बहादुर खत्री, रमेश श्रीस , बुद्ध बहादुर थापा , निरञ्जन थापा र जिप चालक गुल्मी पल्लीकोट-१ का सुशिल टण्डन रहेका छन् ।
चालक टण्डनको अवस्था गम्भिर रहेकाले पाल्पा रिफर गरिएको छ भने अन्यको जिल्ला अस्पताल तम्घासमै उपचार भैरहेको प्रहरीले जनाएको छ । जीप के कारणले दुर्घटना भएको हो भन्ने बारे अनुसन्धान भैरहेको समेत प्रहरीले जनाएको छ ।
मंसिर २ गते, २०६७ मा प्रकाशित
