मंसिर २८ गते, २०६७ मा प्रकाशित
राष्ट्रपति कार्यालयबाट सोमबार साँझ जारी गरिएको बिज्ञप्तिमा १८७ साँसदहरुले पेश गरेको समावेदनमा उल्लेख भए अनुसार नेपालको अन्तरिम संविधानको धारा ५१ को उपधारा (३) बमोजिम अधिवेशन बोलाइएको उल्लेख छ ।
आइतवार माओवादी र अन्य केही दलका गरी १८७ साँसदले प्रधानमन्त्रीको निर्वाचनल
गायतका विषयमा छलफलका लागि संसदको बिशेष अधिवेशन माग गरेका थिए ।
यसै सम्बन्धमा राष्ट्रपतिले सोमबार प्रधानमन्त्री माधवकुमार नेपाल, सभामुख शुभाष नेम्वाङ तथा कानुन व्यवसायीहरुसंग परामर्श गरेका थिए ।
संविधानमा संसद आह्वान र अन्तको व्यवस्था:
५१. अधिवेशेशनको आव्हान र अन्तः
(१) राष्ट्रपतिले प्रधानमन्त्रीको सिफारिसमा समय समयमा व्यवस्थापिका-संसदको अधिवेशन आव्हान गर्नेछ ।
(२) राष्ट्रपतिले प्रधानमन्त्रीको सिफारिसमा व्यवस्थापिका-संसदको अधिवेशनको अन्त गर्ने
छ ।
(३) व्यवस्थापिका-संसदको अधिवेशन वा बैठक चालू नरहेको वा स्थगित रहेको
अवस्थामा अधिवेशन वा बैठक बोलाउन वाञ्छनीय छ भनी व्यवस्थापिका-संसदमा तत्काल कायम रहेका सम्पूर्ण सदस्य संख्याको कम्तीमा एक चौथाई सदस्यहरुले समावेदन गरेमा समावेदन गरेको मितिले पन्ध्र दिन भित्र बैठक
बस्ने गरी ३राष्टपतिले मिति र समय तोकी त्यस्तो अधिवेशन वा बैठक बोलाउनेछ र त्यसरी तोकिएको मिति र समयमा व्यवस्थापिका-
संसदको अधिवेशन वा बैठक प्रारम्भ हुने वा बस्नेछ । स्पष्टीकरणः यस उपधाराको प्रयोजनका लागि “समावेदन” भन्नाले निवेदन पेश गर्ने व्यक्तिको हस्ताक्षर भएको लिखत सम्झनु पर्छ ।
अन्य समाचारहरु
