नेपालकै इतिहासमा पहिलो पटक भ्रष्टाचार गरेको ठहर गर्दै सर्वोच्चले कैद तथा जरिवाना सजाय सुनाएका पूर्वमन्त्री चिरञ्जीवी वाग्लेलाई कारागार चलान

यसअघि कालोपुलस्थित निवासमा वाग्लेले आफूलाई अदालतले दुःख दिएको बताएका सथए । उनले निवास परिसरमा सञ्चारकर्मीसित भने, ‘कानुनी राज्यमा अन्यायपूर्ण काम भएको छ, मैले यसलाई कानुनको उपहासकोरुपमा लिएको छु ।’

राज्यका लागि लगानी गर्नेमाथि पटक-पटक अन्याय हुँदै आएको उल्लेख गर्दै वाग्लेले आफू पनि त्यहि मारेमा परेको बताए । ‘देशका लागि ‘कन्ट्रीब्युसन’ गर्नेहरुमाथि, राष्ट्र र राष्ट्रियताका लागि बोल्नेमाथि पहिलेदेखि नै दुःख दिइन्थ्यो, जसरी वीपी सुवर्ण शमसेरलाई पनि दिइएको थियो,’ उनले भने ।

वाग्लेले भ्रष्ट्राचार राजनीतिकर्मीमात्र नभइ अदालत र मिडियामा पनि हुने गरेको बताए । भने, ‘यस्तो गतिविधि अदालतमा पनि हुन्छ, तपाईंहरुको मिडियामा पनि हुने गरेको मलाई थाहा छ ।’