पौष १९ गते, २०६८ मा प्रकाशित
काठमाडौं, १९ पुस प्रधानमन्त्री डा बाबुराम भट्टराईले जनताको सेवकका रूपमा रहेको कर्मचारी प्रशासनले कसैको दबाबमा नआई जनताको पक्षमा सर्वसुलभ तरिकाबाट सेवा प्रदान गर्नपर्न निर्देशन दिएका छन् ।
आज विराटनगरमा भएको कार्यक्रममा निजामती, सुरक्षा निकाय, संस्थान तथा समितिका कार्यालय प्रमुखहरूको भेलालाई सम्बोधन गर्दै प्रधानमन्त्री भट्टराईले कसैको अनुचित दबाबमा नपरी काम गर्न निर्देशन दिए ।
सरकारले शान्ति प्रक्रिया र संविधान लेखनको काम सँगसँगै आर्थिक एजेन्डालाई पनि प्राथमिकतामा राखेर काम गरिरहेको बताउँदै प्रधानमन्त्री भट्टराईले सबै कर्मचारीले पछाडि परेको समुदायले पनि सेवा पुग्न हिसाबले काम गर्नुपर्ने बताए । कार्यक्रममा पूर्वाञ्चलका क्षेत्रीय, अञ्चल र जिल्लाका कर्मचारीहरूको उपस्थिति थियो ।
कर्मचारी जनताप्रति उत्तरदायी र जनमुखी नभएको गुनासो आइरहेकोले आफ्नो जिम्मेवारीमा खरो ढंगले उत्रन पनि प्रधानमन्त्रीले निर्देशन दिए । नेपाल प्रहरी, सशस्त्र प्रहरी, राष्ट्रिय अनुसन्धान विभागका क्षेत्रीय एवम् जिल्ला प्रमुख र प्रतिनिधिहरूको समेत सहभागिता रहेको छलफलमा शान्ति सुरक्षाको अवस्था मजबुत पार्न प्रधानमन्त्री भट्टराईले निर्देशन दिए ।
अन्य समाचारहरु
