माघ १५ गते, २०६८ मा प्रकाशित
– संविधान लेख्नकालागि तोकिएको म्याद नजिकिंदै जांदा संविधान लेखनमा रहेका मतभेद हटाउन आपसी प्रयत्नका लागि प्रमुख दलहरुले दुई साता समय थपेका छन्।यस अघि विवाद मिलाउनका लागि लिइएको झण्डै एक महिना लामो समय आइतबार समाप्त भएको थियो।
अहिले थपिएको समयमा एकीकृत माओवादीले शान्ति प्रक्रिया टुंग्याउनु पर्ने र सरकारले गरेका निर्णयहरु सच्याउनुपर्ने विपक्षीहरुको माग छ।
माओवादी नेताले भने अब गंभीरतापूर्वक पहल गर्ने तर त्यसका लागि अन्य दलहरुले सकारात्मक सहयोग गर्नुपर्नेमा जोड दिएका छन्।
संवैधानिक समितिको आइतबारको बैठकमा माओवादी अध्यक्ष प्रचण्डले आफुहरुले अब गंभीर रुपमा शान्ति प्रक्रिया अगाडि बढाउने र अन्य विवाद मिलाउन पनि पहल गर्ने बताएका थिए।
प्रतिबद्धता गर्ने तर समयमा कार्यान्वयन नगर्ने आरोप लगाउँदै आएका विपक्षीहरुले माओवादीबाट परिणाम नआएसम्म विश्वास नगर्ने बताएका छन्।
अन्य समाचारहरु
