फेसबुक प्रयोगकर्ताको संख्या १ अर्ब

जुकरबर्गका अनुसार ती प्रयोगकर्ताले २ सय १९ अर्ब तस्वीर फेसबुकमा पोस्ट गरेका छन् । जुकरबर्गले आफ्नो फेसबुक स्टाटस अपेडटगर्दै प्रयोगकर्ताहरुलाई धन्यवाद समेत दिएका छन् । उनले १ अर्ब मानिसलाई आपसमा जोड्ने मौका दिनु अद्भुत अनुभव भएको समेत उल्लेख गरेका छन् ।

उनका अनुसार ६० करोड मानिस मोबाईलको माध्यमबाट फेसबुकमा पुगेको उल्लेख छ । यो आंकडा पछिल्लो वर्ष ५५ करोड २० लाखमा थियो ।

फेसबुकको १ अर्ब प्रयोगकर्ता विश्वका कुनैपनि सोसियल नेटवर्किङ साइटको भन्दा बढी हो । यो विश्वकै सबैभन्दा ठूलो नेटवर्किङ साइट हो । फेसबुक विश्वकै सबैभन्दा ठूलो नेटवर्किङ कम्पनी भईकन पनि रसिया र चीनमा भने यसका स्थानीय प्रतिस्पर्धी छन्, जो फेसबुक भन्दा अगाडि भएको बताइएको छ ।