मंसिर २७ गते, २०६९ मा प्रकाशित
काठमाडौ – अमेरिकाले नेपालमा हुने संविधानसभा निर्वाचनका लागि चाहिने सहयोग उपलब्ध गराउने आश्वासन दिएको छ ।
एमाले अध्यक्ष झलनाथ खनालसँग बुधबार खनाल निवास डल्लुमा भएको भेटमा नेपालका लागि अमेरिकी राजदूत पिटर बोडेले सहयोग उपलब्ध गराउने आश्वासन दिएका हुन् । अमेरिकी राजदूत बोडेले निर्वाचनका लागि चाहिने सहयोग उपलब्ध गराउन अमेरिका तयार रहेको बताएपछि अध्यक्ष खनालले सहयोगको आश्वासनप्रति धन्यवाद दिएका थिए ।
भेटमा अमेरिकी राजदूत पिटरले नेपालको वर्तमान राजनीतिक अवस्था र निकासकाबारे चासो व्यक्त गरेको खनालका सहयोगी मिलन तुलाधरले बताए ।
अध्यक्ष खनालले सहमतीय सरकार गठन गरी आगामी वैशाखमा निर्वाचन गराउनुपर्ने आफ्नो पार्टीको धारणा रहेको र यसबारे एमाओवादी लगायतका सत्तारुढ दलसँग छलफल भइरहेकाले केही समय लागेको राजदूतलाई जानकारी गराए ।
अन्य समाचारहरु
