आषाढ़ ४ गते, २०८० मा प्रकाशित
-डिआरजी सुमन
दुर्गाफाँट, विश्वभर एक्काईसौँ शताब्दीलाई मेलखाने सकरात्मकता उन्मुख वैज्ञानिक शैलीको नेतृत्व आवश्यकता महसूस भईरहेको समयमा अर्घाखाँचीको पाणिनि गाँउ पालिकाले आर्थिक वर्ष ०७९-८० मा वजेट विनियोजन नै गरी तालिम नै दुई दिने संचालनमा ल्याएको छ ।
आज दुर्गाफाँटमा युवा नेतृत्व विकास तालिमको उद्घाटन गर्दै पाणिनी गाउँपालिका अध्यक्ष टेकराज न्यौपानेले सहभागीलाई लक्षित गर्दै भत्ता लिने र समय विताउने मात्र नभई सहभागीहरुले दुईदिन सम्म सिकेको विषय आगामी दिनमा व्यवहारमा लागु गर्नेगरी गएमा मात्र तालीमले सार्थकता प्राप्त गर्ने वताउनु भएको छ ।
बसन्त केसीको अध्यक्षता, झविन सुनामको सञ्चालनमा रहेको कार्यक्रम आज र भोली संचालनमा रहने छ ।
पाणिनि गाँउ पालिका सभाहलमा आयोजित दुईदिने युवा नेतृत्व विकास तालिमको मुख्य प्रशिक्षकको रुपमा रिमा विसी र सहायक प्रशिक्षकको रुपमा डेमबहादुर नेपाली तालिममा करिब ५० जनाको सहभागीता रहेको आयोजक संस्था जनचेतना सरोकार मञ्चका महासचिव झविन सुनामले जानकारी गराउनु भएको छ ।
पाणिनिको दुर्गाफाँटमा युवाहरुको लागी नेतृत्व विकास सम्बन्धित दुईदिने प्रशिक्षण कार्यक्रम उद्घाटन भएको छ ।
पाणिनि गाँउ पालिकाको आर्थिक सहयोग र जनचेतना सरोकार मन्चको सहजीकरण मा दुईदिने कार्यक्रम संचालनमा आएको जनचेतना सरोकार मन्च का उपाध्यक्ष वसन्त केसीले वताउनु भएको छ ।
पाणिनि गाँउ पालिकामा निष्पक्ष नेतृत्व विकासलाई मध्यनजर गर्दै दुईदिने कार्यक्रम आयोजन गरिएको मन्चका सदस्य त्रिभुवन पाण्डेले वताउनु भएको छ ।
पाणिनि गाँउ पालिकाका आठवटै वडावाट प्रतिनिधित्व गराएर युवाहरुलाई तालिम प्रदान गरी सकरात्मक सोचका साथ नेतृत्व तहमा पुर्याउनेगरी तालीम संचालन गरिएको महासचिव झविन सुनाम ले वताउनु भएको छ ।
तस्वीर -डिआरजी सुमन,दुर्गाफाँट अर्घाखाँची डटकम् ।
अन्य समाचारहरु
