पौष ७ गते, २०८० मा प्रकाशित
-अर्घाखाँची डटकम सम्बाद्ददाता ।
सन्धिखर्क ,खाचिकोट – राष्ट्रिय जनमोर्चा जिल्ला समिती अर्घाखाँचीले आफ्ना पार्टी सदस्य तथा सामाजिक ब्यक्तित्व धन बहादुर खत्रीको सम्झना शोक सभा सम्पन्न गरेको छ । स्वर्गीय खत्रीको निधन भएको आज आठौं दिन पारेर जनमोर्चा जिल्ला समिती अर्घाखाँचीले शोक सभा गरेको हो ।
शोकसभामा बोल्दै राष्ट्रिय जनमोर्चाका केन्द्रिय सद्स्य सागर के .सी ले स्वर्गीय खत्री एक असल ईमान्दार ब्यक्ती भएको भन्दै खत्रीको निधनले सिङ्गो समाज सहित राष्ट्रिय जनमोर्चालाइ अतुलनिय क्षती भएको बताए ।
आफ्नो जागिरे जिवनको समयमा पनि खत्रीले सेवाग्राहीलाई राम्रो सेवा सुबिधा दिएर खुशी बनाएर पठाउने गरेको पनि केसिले उल्लेख गरे ।
स्वर्गीय धनबहादुर खत्रीले कम्युनिस्ट आन्दोलनमा धेरै सहयोग गरेको भन्दै नेता के. सिले खत्रीले राष्ट्रिय जनमोर्चाको अभियानमा हरेक तहबाट सहयोग गरेको स्मरण गरे । खत्रीको यहि मंसिर ३० गते बिहान ३ः०० बजे आफ्नै निवास डिहिडाडामा निधन भएको थियो ।
स्वर्गीय खत्री जिल्ला प्रशासन कार्यालय अर्घाखाँचीमा लामो समय सेवारत रहि सेवा निबृत भएका हुन । आफ्नो जागिरे जिवनका क्रममा देश र जनताप्रती वफादार रहेर सेवा प्रवाह गर्ने ब्यक्तिको छवि बनाएका स्वर्गीय खत्रीको गच्छेघाटमा दाहसंस्कार गरिएको थियो ।
सन्धिखर्क -७ डिहिडांडा स्थित स्वर्गीय खत्रीको आफ्नै निवासमा गरिएको शोक सभामा स्वर्गीय खत्रीका परिवारजन , राजमोका केन्द्रिय सद्स्य सागर
के.सि , जनमोर्चा लुम्बिनी प्रदेश सल्लाहकार शेर बहादुर बि. सि , जिल्ला अध्यक्ष थम्मन के. सि , नेताहरु गोपाल पौडेल , बाबुराम पन्थी सुनार , गोबिन्द बि. सि , पशुपति ढकाल सहित जिल्ला , नगर , वार्ड स्तरका नेता कार्यकर्ता , पत्रकार , र स्थानियहरुको उपस्थिति रहेको थियो ।
थप तस्बिर :
अन्य समाचारहरु
