श्रावण १७ गते, २०८१ मा प्रकाशित
-टेकराज भुसाल, बुटवल।
बुटवल। नेपाल विद्यार्थी संघ लुम्बिनी बौद्ध विश्वविद्यालय सिटी क्याम्पस बुटवलको आयोजनामा २ दिने संघीय नमुना संसदीय अभ्यास सम्पन्न भएको छ। साउन १६ गते बुधबारदेखि सुरु भएको संसदीय अभ्यास कार्यक्रम आज समापन भएको हो ।
युवालाई देशको संविधान, नियमकानुन, संसदीय व्यवस्थाको अभ्यास र अनुशासन सिकाई भविष्यमा नेतृत्व गर्न सक्ने सक्षम जनशक्ति उत्पादन गर्नका लागि २ दिने संघीय नमुना संसदीय अभ्यास आयोजना गरेको नेपाल विद्यार्थी संघ सिटी क्याम्पस बुटवलले जनाएको छ।
लुम्बिनी प्रदेश सरकार सामाजिक विकास मन्त्रालय प्रदेश युवा परिषदका कार्यकारी सदस्य सराेज खनाल र टेकराज भुसालले लोकतान्त्रिक प्रणाली, शासकीय स्वरूप र राज्यसञ्चालनको प्रक्रिया, सरकार निर्माण प्रक्रिया, बजेट निर्माण, संघीय सभामा कानुन निर्माणको प्रक्रिया, सभामा पेस, छलफल र पारित, कार्यपालिका, न्यायपालिका र व्यवस्थापिका बिच अन्तरसम्बन्ध लगायतका विषयमा प्रशिक्षण दिनुभएको संसदीय अभ्यास कार्यक्रममा सिटी क्याम्पस बुटवलमा कानुन संकाय अध्यनरत १ सय बढि विद्यार्थीहरुकाे सहभागीता रहेको थियो।
सहभागीहरु मध्येबाट राष्ट्रपति, प्रधानमन्त्री, सभामुख, गृह, अर्थ तथा वाणिज्य लगायतका ८ वटा मन्त्रालयका मन्त्रीहरु निर्वाचित गरि आर्थिक वर्ष २०८१/८२ को नीति तथा कार्यक्रम, वार्षिक बजेट र विभिन्न विधेयकलाई पास गर्दै संघीय संसदको डेमाे समेत प्रस्तृत गरेका थिए।
अन्य समाचारहरु
अन्य समाचारहरु
