चैत्र २२ गते, २०८० मा प्रकाशित
काठमाडौँ- नेपाली कांग्रेसले उपनिर्वाचनका लागि उम्मेदवार टुंगो लगाएको छ । आज बसेको बोर्ड बैठकले इलाम-२ मा डम्बर खड्का र बझाङ १ (क) मा अभिषेक सिंहलाई उम्मेदवार बनाउने निर्णय गरेको कांग्रेसका एक नेताले जानकारी दिए । दुवै सभापति शेरबहादुर देउवानिकट मानिन्छन् ।
अभिषेक कांग्रेसका दिवंगत सांसद पृथ्वीबहादुर सिंहका छोरा हुन् । सिंहको निधन भएपछि उपनिर्वाचन हुन लागेको हो ।
आजै बेलुका बस्ने केन्द्रीय कार्यसम्पादन समिति बैठकले दुवैबारे औपचारिक निर्णय गर्ने ती नेताले बताए । उम्मेदवार चयनमा कांग्रेसको संस्थापनइतर समूहले भने असहमति जनाएको छ ।
अन्य समाचारहरु
