श्रावण २ गते, २०८१ मा प्रकाशित
-गोपाल प्रसाद भट्टराई,अर्घाखाँची।
साउन–२,अर्घाखाँची – नेपाल उद्योग ब्यापार महासघंको तेस्रो स्थापना दिवसको अवसरमा बिरामीलाई फलफूल वितरण गरिएको छ ।
अर्घाखाँची अस्पताल सन्धिखर्कमा भर्ना भएका बिरामीलाई फलफूल वितरण गरि बार्षिकउत्सव मनाइएको हो । २०७८ असार ३१ गते स्थापना भएको महासंघले असार ३१ गते सोमबार तेस्रो स्थापना दिवस मनाएको हो।
स्थापना दिवसको अवसरमा महासघंका केन्दिय सचिवालय सदस्य मोहन सिहं ठकुरी, केन्दिय सदस्य नारायण प्रसाद खनाल, जिल्ला अस्पताल प्रमुख डा.जगन्नाथ तिवारी, डा.अशोक शाहको बिशेष सहभागितामा बिरामीलाई फलफुल वितरण गरिएको हो।
अस्पतालमा भर्ना भएका करिब ४० जना बिरामीलाई फलफुल वितरण गरिएको नेपाल उद्योग ब्यापार महासघ अर्घाखाँचीका अध्यक्ष तारा बहादुर सुनारले बताउनु भएको छ ।
फलफुल बितरण पछि शुभकामना आदानप्रदान कार्यक्रम समेत गरिएको थियो । नेपाल उद्योग ब्यापार महासघ अर्घाखाँचीका अध्यक्ष तारा बहादुर सुनारको अध्यक्षता र रामहरी भुसालको संचालनमा सम्पन्न कार्यक्रममा बोल्ने व्यवसायीहरुले मुलुकलाई आर्थिक संकटबाट जोगाउन निजी क्षेत्रले गरेको योगदानको उचित मूल्याकंन नभएको गुनासो गरेका छन् ।
मुलुकको समृद्धिका निम्ती निजि क्षेत्रले लगानी गर्न चाहेपनि सरकारले उचित बातावरण तयार गर्न नसकेको उनिहरुको आरोप छ ।
थप तस्बिर :
अन्य समाचारहरु
