जेनजीको नाममा अराजकता मच्याउनेहरुप्रति अर्घाखाँचीका ६ विद्यार्थी संगठनद्वारा भ्रत्सनाः कानुन बिपरितका गतिविधि नगर्न अनुरोध

संगठनहरूले भनेका छन्, ‘जेन-जी आन्दोलनका वास्तविक मागहरूप्रति हामी प्रतिबद्ध छौँ, तर सो आन्दोलनको नाममा अराजक व्यक्ति तथा समूहहरूले विद्यार्थी संगठनहरू विरुद्ध उग्र गतिविधि गरिरहेका छन्, त्यसप्रति सबै सचेत रहन आवश्यक छ।’ विज्ञप्तिमा नेपालको संविधानले सुनिश्चित गरेको शान्तिपूर्ण रूपमा संगठित गतिविधि सञ्चालन गर्ने अधिकारको रक्षा गर्न सबै विद्यार्थी संगठनहरू एकजुट रहेको र आवश्यक परे जस्तोसुकै चुनौतीपूर्ण परिस्थितिको सामना गर्न तयार रहेको उल्लेख गरिएको छ ।