भिडियोमा जयप्रकाश गुप्तालाई डिल्ली बजार कारागार चलान

उनले २०४८ देखि २०५९ सम्म सञ्चार,कृषि मन्त्री, सांसद्, प्रधानमन्त्रीको प्रेस सल्लाहकार लगायत विभिन्न पदमा रहँदा भ्रष्टाचार गरी अकुत सम्पत्ति आर्जन गरेको आरोपमा झण्डै एक दशकदेखि गुप्ताले मुद्दा खेपिरहेका थिए ।

सर्वोच्चको फैसलापछि गुप्ता मन्त्री र सभासद पदबाट स्वतह निलम्बित भएका छन् । उनले पत्रकारहरुलाई संक्षिप्त प्रक्रिया दिदै आफू अहिलेसम्म राजनीतिककर्मीको रुपमा उपस्थित हुँदै आए पनि अब भने राजनीति कर्मीको रुपमा उपस्थित नहुने भनेर राजनीति नगर्ने संकेत गरे । गुप्ताले आफूले मधेस आन्दोलन सफल बनाएको सजाय पाएको दावी गर्दै शाही कालमा दायर गरिएको मुद्दामा लोकतन्त्रमा राम्रो कम गरेको सजाय पाएको बताए ।