चैत्र ५ गते, २०६८ मा प्रकाशित
– अर्घाखाँची डट्कमकेसीले सरकारी सहयोगको विरोधमा कांग्रेस-एमालेलगायतका भ्रातृ संगठनले विरोध गरेकोमा असन्तुष्टि पोखे । ‘शान्ति, संविधान र पर्यटन विकासका लागि सगरमाथा आरोहण सुरु गरेका थियौं,’ उनले भने, ‘तर यसलाई रोमान्टिक यात्राकारुपमा बुझियो ।’
टोली नेता केसीले सरकारी सहयोग फिर्ता लिएपछि अब सर्वसाधारणसँग एक-एक रुपैयाँ सहयोग लिएर सगरमाथा चढेरै छाड्ने दृढता व्यक्त गरे ।
सगरमाथा चढ्न पहुँचका आधारमा सहायता दिइएको भन्दै चौतर्फी विरोध भएको थियो ।
शुक्रबार बिहान बसेको मन्त्रिपरिषद् बैठकलले माओवादी केन्द्रीय सदस्य केसी नेतृत्वको ११ सदस्यीय सगरमाथा आरोहण टोलीलाई दुई करोड रुपैयाँ दिने निर्णय भएको थियो । सरकारी निर्णयको माओवादीकै युवा नेता लेखनाथ न्यौपानेलगायतले ‘पहुँचमा सरकार ढुकुटी दुरुपयोग भएको’ भन्दै आलोचना गरेका थिए ।
अभियान टोली सदस्य शिव डाँगीले सहायताविरुद्ध ‘अनावश्यक लाञ्छाना’ लगाएकाले नलिने घोषणा गरिएको जानकारी दिए । ‘हामीमाथिको दबाबविरुद्ध दबाब दिन यस्तो घोषणा गरेका हौं,’ उनले भने, ‘सगरमाथा चढ्न सरकारले दिएको खर्चलाई अमेरिका जानेजस्तो बनाइयो ।’
‘लुम्बिनी-सगरमाथा शान्ति अभियान- २०१२’का नाममा यस वर्षको वसन्त ऋतुमा पर्वतारोहण गर्ने तयारी छ ।
अन्य समाचारहरु
