जेष्ठ १५ गते, २०६९ मा प्रकाशित
आइतबार राति जन प्रतिनिधिमूलक संस्था संविधानसभा संविधान नै नबनाइकन विघटन भएपछि सोमबार विज्ञप्ति जारी गरी सिंहले तत्काल जनताद्वारा प्रत्यक्ष रूपमा राष्ट्रपतिको निर्वाचन गर्नुपर्ने उल्लेख गरेका छन् ।
उनले जनताद्वरा प्रत्यक्ष निर्वाचित राष्ट्रपतिले संवैधानिक आयोगको गठन गर्ने र उक्त आयोगले मात्र अब संविधान जारी गर्नुपर्ने उल्लेख गरेका छन् । संवैधानिक आयोगबाट संविधान बने मात्र अब गणतन्त्र संस्थागत हुन सक्ने सिंहको भनाइ छ । गरिब देशको एक जम्बो संविधान सभाले चार चारवर्षमा पनि संविधान बनाउन नसकेबाट संविधान सभाबाट संविधान निर्माण नेपालमा उपयुक्त छैन भन्ने कुरा अब सुस्पष्ट भइसकेको सिंहले उल्लेख गरेका छन् ।
उनले नेपालमा संसदीय प्रणाली पटक पटक असफल भइसकेको अवस्थामा अब जनताद्वरा निर्वाचित प्रत्यक्ष राष्ट्रपति नै एक मात्र विकल्प भएको विज्ञप्तिमा उल्लेख गरेका छन् ।
अन्य समाचारहरु
