अर्घाखाँचीका प्रजिअ सुवेदीको कपिलवस्तु सरुवा

सन्धिखर्क । अर्घाखाँचीका प्रमुख जिल्ला अधिकारी तोयनारायण सुवेदीको कपिलवस्तु सरुवा भएको छ। गृह मन्त्रालयले गरेको प्रशासनिक सरुवाअन्तर्गत सुवेदीलाई कपिलवस्तुको प्रमुख जिल्ला अधिकारीका रूपमा सरुवा गरिएको हो।

२०८२ कात्तिक २७ गते अर्घाखाँचीका प्रमुख जिल्ला अधिकारीको जिम्मेवारी सम्हालेका सुवेदीले करिब ११ महिना जिल्लाको प्रशासनिक नेतृत्व गरेका छन्।

कार्यकालका क्रममा सुवेदीले शान्ति सुरक्षा, नागरिक सेवा प्रवाह, प्रशासनिक समन्वय तथा जिल्लाका सार्वजनिक सरोकारका विषयमा सक्रिय भूमिका निर्वाह गरेका थिए। सेवा प्रवाहलाई प्रभावकारी बनाउने तथा विभिन्न विषयमा सरोकारवाला निकायसँग समन्वय गर्दै अघि बढ्ने प्रयास उनका कार्यकालका महत्वपूर्ण पक्षका रूपमा देखिएका छन्।