अर्घाखाँचीमा फेरि असार १५ गतेसम्म निषेधाज्ञा थपियो, पसलहरु ४ बजेसम्म खुल्ने

अर्घाखाँचीमा फेरि असार १५ गतेसम्म निषेधाज्ञा थपियो, पसलहरु ४ बजेसम्म खुल्ने


अर्घाखाँचीडट्कम संवाददाता 

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा छैटौं पटक पुन: असार १५ गतेसम्म निषेधाज्ञा थपिएको छ। 


जिल्ला प्रशासन कार्यालयका अनुसार जिल्लामा छैटौं पटक आजदेखि असार १५ गते मंगलबार राती १२ बजेसम्म केही परिमार्जनसहित निषेधाज्ञा थपिएको हो ।

साथै निषेधाज्ञा केही खुकुलो गरिएको छ । अब खाद्यान्न बिक्रीका लागि किराना पसल लगायत स्वास्थ्य मापदण्ड पालना गरेर विहान ५ बजेदेखि दिउँसो अपरान्ह ४ बजेसम्म खोल्न दिईने भएको छ ।  यस्तै बैंक तथा वित्तीय संस्थाहरु मापदण्ड पालना गरेर न्युनतम कर्मचारी राखि खोल्न दिईने भएको छ ।     


कोबिड- १९संकट ब्याबस्थापन केन्द्र डिसिसिएमसी अर्घाखाँचीको सम्पन्न बैठक अनुसार खाद्यवस्तु, औषधि र स्वास्थ्य सेवासँग सम्बन्धित पसल र व्यवसाय बाहेक अन्य सबै पसल व्यवसाय हाललाई सञ्चालन नगर्ने तर दैनिक खाद्य - किराना पसलहरू, कृषि भेटेनरी पसलहरू,  निर्माण सामग्रीका पसलहरू, वर्कसप मात्र जनस्वास्थ्य सुरक्षाको मापदण्ड पालना गरी खोल्न  दिईने भएको छ ।   । साथै अतिरिक्त तरकारी, फलफूल, पानी, दूध तथा दूधजन्य पदार्थ लगायतका खाद्य वस्तुको व्यापारसँग सम्बन्धित व्यवसायीले होम डेलिभरी गर्न कुनै बाधा नपर्ने जनाइएको छ ।

यस्तै विद्यालय, क्याम्पस, शैक्षिक संस्था, सार्वजनिक यातायात, सभा/गोष्ठी/सम्मेलन, मठमन्दिर, पार्टी प्यालेसलगायत भीडभाडजन्य क्षेत्रमा रहेको निषेधाज्ञालाई कायम राखिने छ ।   

जारी निषेधाज्ञाका कारण जिल्ला यतिबेला ठप्प र सुनसान छ ।  यस्तै जिल्लामा कोरोना संक्रमितको संख्या दिनप्रतिदिन घटेको छ । 

यस्तै जिल्लाको सन्धिखर्क, चुत्राबेसी लगायत जिल्लाका ३ स्थानिय तहमा निषेधाज्ञाको मौका छोपेर व्यापारीहरुले दैनिक उपभोग्य तथा अन्य सामाग्रीहरु दोब्बर महँगो मुल्यमा बेच्दा सेवाग्राहीहरु ठुलो मर्कामा परेका छन् । 

गत वैशाख २१ गते मंगलवारदेखि जारी निषेधाज्ञाका कारण जिल्लाको जनजीवन अत्यन्त कष्टकर भएको छ । कोरोना भाइरसका कारण बन्दाबन्दी र निषेधाज्ञाका कारण ज्याला मजदुरी गर्ने मानिस माथि नराम्रो असर परेको देखिन्छ । भने लामो समय व्यापार बन्द हुँदा भाडा तिर्न नसक्ने अवस्थामा पुगेको व्यापारीहरुले बताएका छन् ।  

अन्य समाचारहरु