अब यसो गरौ घाँस चरौ (कविता)

अब यसो गरौ घाँस चरौ (कविता)
                                                                     
राधा आचार्य अधिकारी ( महिला समाजसेवीका ) 
शितगंगा -३ अर्घाखाँची
                    
बुद्धिमा बिर्को कसौं ,
अरु डाईनिङ्गमा बस्छन !
हामी पिर्कामै बसौं ,
दुई खुट्टाले संसार हिड्या छ 
हामी चारै पाउ सुरु गरौं ,
अब यसो गरौ घाँस चरौ !!!

अरुले नाइट भिजन बनाए 
हामी नाईटो भिजन बनाऔ ,,
दुनियाँले रेल बगाएका छन ,
हामी र्याल बगाउदै बसौं !
भगेराको मासु भाग लगाऔ 
टुक्रा टुक्रा भएर बसौ !
एकताको डोरि चुडालौ अब 
बिचारलाई चिरा चिरा पारौं 
अब यसो गरौ घाँस चरौ !!

खेत बाझो राखौं  
खाडी र कोरिया मा दुबो उमारौ 
ईतिहास किन चाहियो ?
जलाएर राख पारौं !
आधुनिकता ले मस्त पुग्छ हामिलाई
भाबी सन्ततिलाई लोप्पा खुवाऔ ....
मुस्ताङमा नुन छ समाचारमा भरौ 
अब यसो गरौ घाँस  चरौ ......

 बिबाह त कहिलै गर्दै नगरौ ,,
पारिबारिक झन्झटमा नफसौ ...
अर्कैले सिन्दुर पोते भिराएकी 
 छपक्क सम्पती सङ्ग 
बिदेश भर्मण गरौ ! 
न कचकच न जिम्मेवारी 
अर्काको घर उजाडेर मस्ती गरौ !
अब यसो गरौ घाँस चरौ !!!

रातिको चुस्किमा नियम बनाऔँ  ,,
  बिहान चियाको चुस्किमा बात फेरौं
जनता सधै चाकडी र लाचाहारी ,
सुन्ने र बहकिने बाहेक केही नगरौँ !! 
न कपास हालौ , न कान फालौ , 
अब यसो गरौँ घाँस चरौ !!!

कोहि मधेसी बनौं ,
कोहि पहाडी बनौं !
नेपाली त थियौं भनौं 
घोप्टो परेर सिन्को नटिपौ 
बरु माथी हेरि खुट्टो बजारौ 
आफुले सिक्दै नसिकौ ,,
अरुले भनेको नमानौ 
अब अलग अलग रेखा कोरौ 
अब यसो गरौ घाँस चरौं !!!!

अन्य समाचारहरु