arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
राष्ट्रिय समाचार
दाङमा हात्तीपाइले रोग विरुद्धको औषधी पढे लेखेका र जान्ने बुझ्नेहरुले नै खान नमान्ने(२०७४ फाल्गुन १२, शनिवार)
हात्तीपाइले रोग विरुद्धको औषधी पढे लेखेका र जान्ने बुझ्नेहरुले नै खान नमान्ने गरेको पाइएको छ । दाङमा शनिवारदेखि सुरु भएको हात्तीपाइले विरुद्धको औषधी खुवाउने अभियानमा  खटिएकी स्वास्थ्य स्वयमसेवक देवा बस्नेतले पढे लेखेको र जान्ने बुझ्नेहरुले नै औषधी खान नमान्ने गरेको  बताइन ।
प्रमुख प्रतिपक्ष दलको भूमिकामा रहेको कांग्रेसले संसदमा छाँया सरकार बनाउने(२०७४ फाल्गुन १२, शनिवार)
प्रमुख प्रतिपक्ष दलको भूमिकामा रहेको नेपाली कांग्रेसले संसदमा छाँया सरकार बनाउने भएको छ। सरकारका कामकारबाहीमा विशेष तथा शसक्त निगरानी गर्नका लागि कांग्रेसले संसदमा छाँया सरकार बनाउन लागेको हो। कांग्रेसले छाँया सरकार गठनको खाकासहित प्रस्तावबारे विधानमा नै समावेश गरि संसदीय दलमा छलफल गरिरहेको छ।
दैलेखमा भएको जिप दुर्घटनाको सत्यतथ्य छानबिनका लागि समिति गठन(२०७४ फाल्गुन १२, शनिवार)
६ नम्बर प्रदेशका आन्तरिक मामिला तथा कानुनमन्त्री नरेश भण्डारीले दैलेखमा भएको जिप दुर्घटनाको सत्यतथ्य छानबिनका लागि समिति गठन गरेका छन् । मन्त्री भण्डारीले घटनाप्रति मन्त्रालयको गम्भीर ध्यानाकर्षण भएको भन्दै बिहीबार साँझको दुर्घटनाबारे छानबिन गर्नका लागि शनिबार एक समिति गठन गरेका हुन् ।

ताप्लेजुङमा आठ वर्षदेखि अलपत्र तमोर नदीको मोटरेबल पुल निर्माणले बल्ल गति लियो(२०७४ फाल्गुन ११, शुक्रवार)
ताप्लेजुङका दुई निर्वाचन क्षेत्रलाई जोड्ने दोभानस्थित तमोर नदीमाथिको मोटरेबल पुल निर्माण कार्यले तीव्रता पाएको छ । सम्झौताअनुसार ठेकेदार कम्पनीले समयमा काम नगर्दा आठ वर्षदेखि अलपत्र अवस्थामा रहेको उक्त पुलको निर्माण कार्य अहिले तीव्रता पाएको हो ।
लमजुङमा दुई दिन विद्युत् आपूर्ति बन्द हुने (२०७४ फाल्गुन ११, शुक्रवार)
लमजुङमा दुई दिन विद्युत् आपूर्ति बन्द हुने भएको छ । उदीपुरदेखि दमौली जोड्ने ३३ केभी प्रसारणलाइन फागुन १३ र १५ गते पूर्णरुपमा बन्द हुने भएको हो । मध्यमर्स्याङ्दीदेखि तल्लो मर्स्याङ्दीसम्मको १३२ केभी प्रसारणलाइनको दोस्रो सर्किटको टावर नम्बर-२ देखि टावर नम्बर-१ सम्मको तार तन्काउने कामका लागि विद्युत् आपूर्ति बन्द गर्न लागिएको नेपाल विद्युत् प्राधिकरण लमजुङ शाखाका प्रमुख दीपक दाहालले जानकारी दिए ।
नेपाल औषधि लिमिटेडद्दारा पुनः सन्चालनमा आएको ११ महिनामा बल्ल सिटामोल उत्पादन सुरु(२०७४ फाल्गुन ११, शुक्रवार)
नेपाल औषधि लिमिटेडले पुनः सन्चालनमा आएको ११ महिनामा बल्ल सिटामोल उत्पादन सुरु गरेको छ । ६ वर्षसम्म बन्द रहि गत वैशाखदेखि पुनः सन्चालनमा ल्याइएको औषधि लिमिटेडले दोस्रो उत्पादन सिटामोल बजारमा ल्याउन थालेको हो । १० वर्षे कार्ययोजना लिएर पुनः सन्चालनमा आएको बबरमहलस्थित नेपाल औषधि लिमिटेडले फागुन महिनाभित्र सिटामोल बजारमा पठाउने भएको छ । 
थ्रि एन्जल्स नेपालले पायो एन जि ओ लिडरसीप अवार्ड (२०७४ फाल्गुन १०, विहीवार)
नेपालबाट वर्षेनी तेश्रो मुलुकमा हुने मानव बेचविखन रोकथामका लागि सक्रीयता पूर्वक कार्य गर्दै आएको संस्था थ्रि एन्जल्स नेपालले अन्र्तराष्ट्रिय अवार्ड पाएको छ । वल्र्ड सि एस आर डे को अवसरमा भारतको मुम्बईमा यहि फेब्रुअरी १८ तारिकमा आयोजित विशेष कार्यmक्रममा संस्थाले एन जि ओ लिडरसीप अवार्ड प्राप्त गरेको थ्रि एन्जल्स नेपालले जानकारी दिएको छ ।
पर्यटन बोर्डका तत्कालीन प्रमुख निरौला भ्रष्टाचारी ठहर, ७ वर्ष कैद फैसला(२०७४ फाल्गुन १०, विहीवार)
विशेष अदालतले नेपाल पर्यटन बोर्डमा भ्रष्टाचारमा गरेकामा बोर्डका तत्कालीन प्रमुख कार्यकारी अधिकृत सुवास निरौला, लेखाशाखा प्रमुख अनिलकुमार दास र वर्ल्डवाइड ट्राभलका महेन्द्र खनाललाई कैद तथा जरिवानाको फैसला सुनाएको छ । विशेष अदालतका अध्यक्ष बाबुराम रेग्मी तथा न्यायाधीश द्वारिकामान जोशी र नारायणप्रसाद पोखरेलको इजलासले बिहीबार निरौलालाई सात वर्ष कैद, रु ८० लाख ५१ हजार ३६२ जरिवाना र बोर्डलाई रु ५४ लाख ५९ हजार ७०० बिगो तिराउने फैसला गरेको छ ।
नेपाल भ्रष्टाचार हुने देशहरुको सूचीमा १२२ औं स्थानमा (२०७४ फाल्गुन १०, विहीवार)
नेपाल भ्रष्टाचार हुने देशहरुको सूचीमा १२२ औं स्थानमा परेको छ । ट्रान्सपरेन्सी इन्टरनेसनलले १८० वटा देशलाई समेटेर सार्वजनिक गरेको भ्रष्टाचारसम्बन्धी विश्वव्यापी सूचकांकमा नेपाल ३१ अंकसहित १२२ औं स्थानमा परेको हो ।

दैलेखमा जिप दुर्घटना हुँदा चारजनाको मृत्यु, पाँच गम्भीर घाइते(२०७४ फाल्गुन १०, विहीवार)
दैलेखमा बिहीबार एक यात्रीबहाक जिप दुर्घटना हुँदा चारजनाको मृत्यु भएको छ । अरु पाँचजना गम्भीर घाइते छन् । मृत्यु हुनेमा प्रवण शाही, निर्मला पाण्डे विष्ट, तिलक ढकाल र निर्मला सिंह रहेका छन् । दैलेख सदरमुकामबाट दैलेखकै महाबु गाउँपालिका जाँदै गरेको लु१ज ३५३२ नम्बरको बोलेरो जिप महाबु गाउँपालिका–१ ओखलढुंगा भन्ने ठाउँमा दुर्घटना भएको हो ।
केहीदिन यता राजधानीलगायतका पहाडी क्षेत्रको धुम्म मौसम अझै केही दिन जारी रहने(२०७४ फाल्गुन ९, बुधवार)
केहीदिन यता राजधानीलगायतका पहाडी क्षेत्रको मौसम धुम्म भरहेको छ। दिउँसो राम्ररी घाम लाग्न सकेको छैन। राम्ररी घाम नलागेकाले तापक्रम धेरै बढेको छैन। मौसम पूर्वानुमान महाशाखाले यो क्रम अझै केही दिन जारी रहने बताएको छ।
नेपालको ग्रामीण क्षेत्रको शैक्षिक विकासमा पाकिस्तानले सहयोग गर्ने(२०७४ फाल्गुन ९, बुधवार)
पाकिस्तानले नेपालको ग्रामीण क्षेत्रको शैक्षिक विकासमा सहयोग गर्ने भएको छ । नेपालस्थित पाकिस्तानी दूतावासले बुधबार काठमाडौंमा विद्यालयस्तरीय निबन्ध तथा वक्तृत्वकला प्रतियोगिताका विद्यार्थीलाई सम्मान गर्न गरेको कार्यक्रममा पाकिस्तानी राजदूत मंजहर जामेदले शिक्षाको पहुँच नपुगेका ग्रामीण क्षेत्रमा पाकिस्तान सरकारले सहयोग गर्ने बताए ।
कपिलवस्तुको दोहनीमा ईशापूर्व चारसय वर्षदेखि मानव बसोबासको प्रमाण फेला(२०७४ फाल्गुन ९, बुधवार)
कपिलवस्तुको ऐतिहासिक दोहनी क्षेत्रमा उत्खनन गर्दा इशापूर्व चारसय वर्षदेखि मानव बसोबास शुरु भएको पाइएको छ । पुरातत्व विभागको व्यवस्थापनमा राष्ट्रिय तथा अन्तर्राष्ट्रिय विज्ञको संयुक्त टोलीले उत्खनन गर्दा पाएका पुरातात्विक सामग्रीको अनुसन्धानपछि सो तथ्य प्रकाशमा आएको हो ।
असंबैधानिक कदम चालेकी राष्ट्रपतिलाई तरुण दलले नेपालको संविधान उपहार दिने(२०७४ फाल्गुन ९, बुधवार)
नेपाली कांग्रेस निकट नेपाल तरुण दलले शीतल निवास पुगेर राष्ट्रपति विद्यादेवि भण्डारीलाई नेपालको संविधान उपहार दिने भएको छ । राष्ट्रिय सभा सदस्य सिफारिसमा राष्ट्रपतिको कदमलाई असंबैधानिक भएको भन्दै ब्यङ्गयात्मक रुपमा राष्ट्रपतिलाई संविधान उपहार दिन लागिएको तरुण दलका महामन्त्री भुपेन्द्रजंग शाहीले जानकारी दिए ।
पश्चिम नवलपरासीका उखु किसान अख्तियारमा उजुरी दिने तयारीमा , ठगी गर्नेलाई उन्मुक्ति दिएको आरोप(२०७४ फाल्गुन ९, बुधवार)
 पश्चिम नवलपरासीका उखु किसानले सरकारी अनुगमन टोलीका कर्मचारीले ठगी गर्ने चिनी उद्योग र तौल केन्द्र सञ्चालकलाई उन्मुक्ति दिएको आरोप लगाएका छन् । विभिन्न स्थानमा तौल केन्द्र राखेर किसानलाई ठगी गरेको भन्दै रंगे हात पक्राउ परेका चिनी उद्योगका कर्मचारीलाई सरकारी अनुगमन टोलीले उन्मुक्ति दिएको आरोप किसानले लगाएका हुन् ।
गुण्डा नाइके मनोज पुनसहित दुई जनाको प्रहरीसँगको मुटभेटका क्रममा मारिएको प्रहरीद्दारा स्पष्ट(२०७४ फाल्गुन ९, बुधवार)
गुण्डा नाइके मनोज पुनसहित दुई जनाको प्रहरीसँगको मुटभेटका क्रममा मारिएको प्रहरीले स्पष्ट पारेको छ । मस्ट वान्टेड-को सूचीमा रहेका पुनले ब्यक्ति हत्या गरेपश्चात मैले हत्या गरें भनेर मिडिया र प्रहरीलाई जानकारी दिने गरेको रुपन्देहीका प्रहरी उपरीक्षक श्याम ज्ञवालीले जानकारी दिए ।
फागुन १२, १३ र १४ गते हात्तीपाइले रोगविरुद्धको औषधि खुवाइने(२०७४ फाल्गुन ८, मंगलवार)
यही फागुन १२, १३ र १४ गते हात्तीपाइले रोगविरुद्धको औषधि खुवाइने भएको छ । इपिडिमियोलोजी तथा रोग नियन्त्रण महाशाखाले मंगलबार राजधानीमा पत्रकार सम्मेलन गरी २४ जिल्लामा औषधि खुवाउन लागिएको जानकारी दिएको हो । त्यसका लागि महाशाखाले ३८ करोड ३५ लाख २१ हजार रुपैयाँ रकम छुट्याएको छ ।
काठमाडौंका ६ स्थानमा जुलुस, प्रदर्शन, धर्ना, घेराउ वा विरोध प्रदर्शनका कार्यक्रम गर्न नपाइने(२०७४ फाल्गुन ८, मंगलवार)
जिल्ला प्रशासनले काठमाडौंका ६ स्थानलाई निषेधित क्षेत्र तोकेको छ । राष्ट्रपति भवन, उपराष्ट्रपति भवन तथा निवास, बहादुर भवन, प्रधानमन्त्री निवास, संसद भवन र निर्वाचन आयोगको कार्यालय वरपर निषेधित क्षेत्र तोकिएको हो । निषेधित क्षेत्रमा जुलुस, प्रदर्शन, धर्ना, घेराउ वा विरोध प्रदर्शनका कार्यक्रम गर्न पाइने छैन ।
राष्ट्रियसभा सदस्यमा तीनजनाको मनोनयन(२०७४ फाल्गुन ८, मंगलवार)
राष्ट्रपति विद्यादेवी भण्डारीले नेपाल सरकारको सिफारिसमा राष्ट्रियसभा सदस्यमा तीनजनाको मनोनयन गरेकी छन् । राष्ट्रपतिको कार्यालयकाअनुसार नेपालको संविधानको धारा ८६ को उपधारा २ को खन्ड ‘ख’ बमोजिम डा. युवराज खतिवडा (झापा), रामनारायण बिँडारी (मकवानपुर) र डा. विमला पौडेल (मोरङ)लाई मंगलबार मनोनयन गरेकी हुन् ।
एमाले र माओवादी केन्द्रबीच पार्टी एकता गर्ने सहमति, सातबुँदे सहमतिमा हस्ताक्षर(२०७४ फाल्गुन ७, सोमवार)
नेकपा एमाले र माओवादी केन्द्रबीच पार्टी एकता गर्ने सहमति भएको छ । दुई दलका नेताहरुले सातबुँदे सहमतिमा हस्ताक्षर गरेका छन् । प्रधानमन्त्री निवास बालुवाटारमा बसेको दुई पार्टीका शीर्ष नेताको बैठकले एकीकृत पार्टी निर्माण गर्ने सहमति गरेका हुन्। पार्टीको नाम नेपाल कम्युनिष्ट पार्टी रहने, पार्टीको मार्ग निर्देशक सिद्धान्त मार्क्सवाद-लेनिनवाद रहेने सहमति भएको छ।

कपिलबस्तुको नेपाल-भारत सीमा क्षेत्र मर्यादपुर खुनुवा क्षेत्रमा बृहत सरसफाइ(२०७४ फाल्गुन ७, सोमवार)
कपिलबस्तु जिल्लाको नेपाल-भारत सीमा क्षेत्र मर्यादपुर (खुनुवा) क्षेत्रमा बृहत सरसफाइ गरिएको छ । सफाई अभियानमा दुवै देशका प्रहरी जुटेका छन् । प्रजातन्त्र दिवसको अवसरमा जिल्लाकोे सीमा नाका मर्यादपुर (खुनुवा) को सीमा क्षेत्रमा संयुक्त सीमा सरसफाई अभियानअन्तर्गत सोमबार सरसफाई गरिएको हो ।
प्रधानमन्त्रीद्वारा सुखी नेपाली र समृद्धि नेपाल अपरिहार्य उल्लेख(२०७४ फाल्गुन ७, सोमवार)
प्रधानमन्त्री केपी शर्मा ओलीले तीन तहको निर्वाचनले संक्रमणकालको अन्त्य गरी मुलुकको समृद्धिको ढोका खोलेको बताएका छन् । दोस्रो निर्वाचन दिवसको अवसरमा सोमबार निर्वाचन आयोगले राजधानीमा गरेको कार्यक्रमलाई सम्बोधन गर्दै प्रधानमन्त्री ओलीले संवैधानिक व्यवस्थाअनुसार तोकिएकै मितिमा निर्वाचन सम्पन्न गरेर आयोगले लोकतान्त्रिक गणतन्त्रलाई संस्थागत गरेको बताए ।
प्रदेश ७ का मुख्यमन्त्री भट्टलगायत मन्त्रीहरुद्वारा पदभार ग्रहण(२०७४ फाल्गुन ६, आइतवार)
प्रदेश ७ का मुख्यमन्त्री त्रिलोचन भट्टले आइतबार मुख्यमन्त्री तथा मन्त्री परिषदको कार्यालयमा पुगेर पदभार ग्रहण गरेका छन् । बिहान कार्यालय समयमा मुख्यमन्त्री भट्टले पदभार ग्रहण गरेका हुन् । पदभार ग्रहणपछि कार्यालयका कर्मचारीहरुलाई निर्देशन दिएका मुख्यमन्त्री भट्टले प्रदेश ७ विकासमा पछाडि परेको उल्लेख गर्दै नमुना प्रदेश निर्माणका लागि कर्मचारीहरुलाई इमान्दार भएर लाग्न निर्देशन दिए ।
एमाले र माओवादी केन्द्रबीच पार्टी एकताको गाँठो अझै फुक्न सकेन(२०७४ फाल्गुन ६, आइतवार)
नेकपा एमाले र माओवादी केन्द्रबीच पार्टी एकताको गाँठो अझै फुक्न सकेको छैन । नेतृत्व लगायतका अधिकांश विषयमा सहमति नजिक पुगिसकेको बताइए पनि केही दिन यता सहमतिको यात्रामा गतिरोध उत्पन्न भएको छ । सिद्धान्त, कार्यनीति र सरकार तथा पार्टीका पदहरुको भागवण्डा नमिल्दा गतिरोध उत्पन्न भएको बताइएको छ ।
मध्यमर्स्याङ्दी जलविद्युत् आयोजना मर्मतका लागि दश दिन बन्द हुने(२०७४ फाल्गुन ६, आइतवार)
सत्तरी मेगावाट क्षमताको मध्यमर्स्याङ्दी जलविद्युत् आयोजना मर्मतका लागि दश दिन बन्द हुने भएको छ । आयोजनाको बाँधको बायाँतर्फको क्षेत्रमा भूक्षयलाई रोक्न राखिएको संरचनामा निरन्तर पहिरो खस्ने र बाँधमासमेत क्षति पु-याउन थालेपछि मर्मत गर्न लागिएको हो । आयोजना यही फागुन १० देखि २० गतेसम्म बन्द गरिन लागिएको हो ।
राष्ट्रिय जनमोर्चाका चित्रबहादुर केसीद्दारा एमाले र माओवादी केन्द्रबीच एकता हुन नसक्ने उल्लेख(२०७४ फाल्गुन ६, आइतवार)
राष्ट्रिय जनमोर्चाका अध्यक्ष चित्रबहादुर केसीले एमाले र माओवादी केन्द्रबीच एकता हुन नसक्ने बताएका छन् । शनिबार यहाँ आयोजित पत्रकार भेटघाटमा उनले पार्टी एकताका लागि कार्यनीति, रणनीति, नीति तथा सिद्धान्त, दर्शन र व्यवहार पनि मिल्नुपर्ने बताए ।
प्रदेश नम्बर–६ मा वाम गठबन्धनका दुई दलबीच मन्त्रालयको भागबन्डा टुंगो(२०७४ फाल्गुन ५, शनिवार)
प्रदेश नम्बर–६ मा वाम गठबन्धनका दुई दलबीच मन्त्रालयको भागबन्डा टुंगो लागेको छ । मन्त्रालयको भागबन्डा टुंगो लागेपछि मुख्यमन्त्री महेन्द्रबहादुर शाहीले आइतबार (भोलि) सरकार गठनको तयारी गरेका छन् । मन्त्रालयको विवाद समाधान भएपछि मुख्यमन्त्री शाहीले आइतबार मन्त्रीहरु नियुक्त गर्ने भएका हुन् ।
काठमाडौंका भूकम्पपीडितलाई २५ लाख ऋण २ प्रतिशत ब्याजदरमा दिन पहल(२०७४ फाल्गुन ५, शनिवार)
काठमाडौं महानगरपालिकाले काठमाडौंका भूकम्पपीडितलाई सहुलियतमा ऋण दिन पहल गर्ने जनाएको छ । नेपाल राष्ट्रिय व्यवसायी महासंघको शनिबार राजधानरीमा भएको प्रथम महाधिवेशनमा काठमाडौं महानगरपालिकाका मेयर विद्यासुन्दर शाक्यले उपत्यकावासी भूकम्पपीडितलाई २ प्रतिशत ब्याजदरमा २५ लाख ऋण दिन पहल गरिने बताएका हुन् ।
कैलालीको गोदावरीमा बस दुर्घटना, दुई दर्जन बढी घाइते (२०७४ फाल्गुन ५, शनिवार)
कैलालीको गोदावरी नगरपालिका वडा नम्बर-१३ अत्तरियाबजारनजिकै शनिबार दिउँसो एक यात्रीबहाक बस दुर्घटना हुँदा दुई दर्जन बढी घाइते भएका छन् । टीकापुरबाट धनगढी आउँदै गरेको कर्णाली यातायातको ना४ख ८६३६ नम्बरको बस दुर्घटना भएको हो । 
सिन्धुलीको भद्रकाली सडकखन्डमा जिप दुर्घटना, चारजनाको मृत्यु, १८ जना गम्भीर घाइते(२०७४ फाल्गुन ४, शुक्रवार)
 बीपी राजमार्गअन्तर्गत् सिन्धुलीको भद्रकाली सडकखन्डमा शुक्रबार अपराह्न एक बोलेरो जिप दुर्घटना हुँदा चारजनाको मृत्यु भएको छ । मृत्यु हुनेहरुमा सिन्धुली, गोलान्जोर गाउँपालिकाका नवराज थापा, लक्ष्मी देवकोटा, युवराज लुंगेली र रेशम कार्की छन् ।
http://go.oclaserver.com/afu.php?zoneid=1465736