पर्साको सखुवाप्रसौनी, पटेर्वासुगौली र जिराभवानीमा चट्याङ लागेर तीन जनाको मृत्यु

पर्साको सखुवाप्रसौनी, पटेर्वासुगौली र जिराभवानीमा  चट्याङ लागेर तीन जनाको मृत्यु


पर्सा । पर्सामा आज बिहान चट्याङ लागेर तीन जनाको मृत्यु भएको छ ।

सखुवाप्रसौनी गाउँपालिका–४ देवरवाना बस्ने ५५ वर्षीय रघुवीर यादव, पटेर्वासुगौली–१ गदियानीका २७ वर्षीय रसुल गद्दी र जिराभवानी–३ जितपुर बस्ने ५० वर्षीय असरतोमी देवी थारुको मृत्यु भएको हो ।

रघुवीर र रसुल भैँसी चराउन खेतमा गएका बेला चट्याङले लागेको थियो भने असरतोमी खेतमा काम गर्दै थिइन् ।

चट्याङ लागेर देवरवानामा ४० वर्षीय राजबंशी महरा गम्भीर घाइते भएकोले उपचारका लागि वीरगञ्ज ल्याइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले जानकरी दिनुभयो । इमेज च्यानलमा समाचार छ । 

अन्य समाचारहरु