शिमलाबाट नेपाल जाँदै गरेको फोर्स हरियाणाको करनालमा दुर्घटना हुँदा एक जनाको मृत्यु

शिमलाबाट नेपाल जाँदै गरेको फोर्स हरियाणाको करनालमा दुर्घटना हुँदा एक जनाको मृत्यु


२०७८ आश्विन १५, शुक्रवारमा प्रकासित

अर्घाखाँचीडट्कम संवाददाता 

करनाल, असोज १५ गते । (अर्घाखाँची डट्कम) । हिमाचल प्रदेशको शिमलाबाट नेपालगन्ज जाँदै गरेको फोर्स गाडी हरियाणाको करनालमा दुर्घटना हुँदा एक जनाको ज्यान गएको छ ।


बिहिवार राति ८ बजे सिमला देखि नेपालगञ्जका लागि छुटेको एचपि ६३ बि ४०९७ नम्बरको फोर्स गाडी आज बिहान पौने ४ बजे दुर्घटनामा परि रोल्पा जिल्ला साविकको पाखापानी गाविसका २५  वर्षिय नरेश ओलीको ज्यान गएको हो । 

चालक सहचालक सहित १९ जना यात्रु सवार गाडिमा ४ जना घाईते भएका छन उनिहरुको अहिले करनाल स्थित सरकारी अस्पतालमा उपचार भईरहेको र अन्यलाई उद्धार गरि होटलमा राखिएको प्रवासी नेपाली संघ भारत करनालका सचिव गोविन्द प्रसाद भुसालले अर्घाखाँची डट्कमलाई जानकारी दिनुभएको छ ।

घाईते हुनेहरुमा दिल बहादुर दर्लामी दाङ्ग अमृत केसि रोल्पा शसि खत्री दाङ्ग नरेन्द्र दाङ्ग र गाडिका चालक बबि रुकुम रहेका छन ।

बिहान गाडिको टायर फाटेको र साईडमा लगाई चेन्ज गरि रहेको अवस्थामा पछाडीबाट आईरहेको ट्रकले ठक्कर दिदा दुर्घटना भएको थियो ।

हिन्दु नेपालीहरुका चाडपर्व दशैं,तिहार नजिकिदै जाँदा भारतमा रहेकाहरु घर फर्कनेहरुको चाप बढ्न थालेको छ । 

अन्य समाचारहरु