भुमिकास्थान नगरपालिकामा प्राय पसलहरुले म्याद सकिएका तथा बिना मुल्य सुची सामाग्री बिक्री गर्दै

भुमिकास्थान नगरपालिकामा प्राय पसलहरुले म्याद सकिएका तथा बिना मुल्य सुची सामाग्री बिक्री गर्दै


कृष्ण परियार

नुवाकोट, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिकाका विभिन्न स्थानहरुमा अनुगमन गरिएको छ । 


स्थानीय सरकार, जिल्ला प्रशासन, जिल्ला प्रहरी कार्यालय, उद्योग संघ लगायतको समन्वयमा भुमिकास्थान नगरपालिकाका विभिन्न स्थानहरुमा अनुगमन गरिएको हो । भने यहाँका पसलहरुले मुल्य सुचीनै नराखिकनै दैनिक उपभोग्य सामाग्रीहरु बिक्री बिरतण गरेको भेटिएको छ । 


भुमिकास्थान नगरपालिकाको वार्ड नम्बर ८ नुवाकोट बाट सुरु भएको अनुगमन वार्ड नम्बर ७ को चिदीचौर बरवास, किलुख हुदै वडा नम्बर ६ को खरिबास , डोटापोखरा , नेटा खिल्जी बेल्बोट हुँदै वार्ड नम्बर ५ को असुरकोट हुलाका सम्म गरिएको छ ।दैनिक उपभोग्य सामानहरुको बिक्री वितरण गर्ने पसलहरुमा गरिएको अनुगमनका क्रममा मुल्यसुची नराखी सामानहरु बिक्रीवितरण गरिएको पाइएको छ ।


यस्तै विभिन्न सामानहरु प्रयोग मिति समाप्त भै सकेको, उत्पादन मिति नै उल्लेख नभएको, मुल्यमा एकरुपता नरहेको पाइएको घरेलु तथा साना उद्योगका अधिकृत केशब सुनारले बताए ।


महामारिको समय तथा निशेधाज्ञाको समयमा सर्बसाधारण उपभोक्ता हरु नठगिउन भन्ने उदेश्यका साथ अनुगमन लाई तीव्रता दिएको सुनारले बताए ।विभिन्न स्थानका पसलहरुमा गरिएको अनुगमनमा सुजि, चाउचाउ , भुजा ,चाउमिन , कुरमुरे लागयतका विभिन्न सामानहरुको प्रयोग मितिनै समाप्त भै सकेको भेटिएको घरेलुुका सुचना अधिकृत लक्ष्मीप्रसाद दाहालले बताए ।


पहिलो चरणको अनुगमनको क्रममा भेटिएका कमि कमजोरीहरुलाइ फेरि पुन नदोहोर्‍याउने गरि छाडिएको र प्रयोग गर्न नमिल्ने त्यस्ता सामानहरु जफत गरिएको सुचना अधिकृत दाहालले बताए ।अनुगमनमा घरेलु तथा साना उधोगका प्रमुख अधिकृत केशब सुनार, घरेलु तथा साना उधोगका सूचना अधिकृत लक्ष्मिप्रसाद दाहाल , भुमिकास्थान नगरपालिकाका उप प्रमुख खडानन्द बेलबासे,जिल्ला प्रशासन कर्यालयका प्रतिनिधि नारायण प्रसाद दमासे, भुमिकास्थान नगरपालिकाका उधोग अधिकृत शंकर अधिकारी,आले-प अधिकृत हिमा न्यौपाने , वडा नम्बर ८ का वडा अध्यक्ष राजकुमार श्रेष्ठ ,वडा ७ का वडाअध्यक्ष तारा मल्ल, वडा ६ का वडा अध्यक्ष झबिलाल बन्जाडे ,वडा ५ का वडा अध्यक्ष तुल्सी प्रसाद बेल्बासे, जिल्ला प्रहरीका प्रतिनिधि प्रेम थापा, खिल्जी प्रहरी प्रमुख सुर्य प्रसाद पन्थी, पत्रकार कृष्ण परियार , लक्ष्मण घिमिरे लगायतको सहभागिता रहेको थियो ।


पछिल्लो केहिदिन यता जिल्लाका विभिन्न स्थानहरुमा अनुगमनलाई तिब्रता दिइएको छ । यद्यपि कोरोना माहामारिको कारण जिल्लामा निशेधाज्ञा गरिएको छ ।निशेधाज्ञाको समयमा विभिन्न जिल्लाहरुमा कालोबजारी तथा मुल्यमा मनपरि गरिएको समाचारहरु आउने गरेका छ्न ।


देश कोरोना महामारीको दोस्रो लहर संग जुधिरहेको बेला देशका अधिकांश जिल्लामा निषेधाज्ञा जारी छ ।


यो समयमा बजारमा हुने कालो बजारी तथा मूल्यवृद्धि नियन्त्रणको लागि घरेलु तथा साना उद्योग कार्यालय अर्घाखाँचीले बजार अनुगमन लाई तिब्रता दिएको छ ।

अन्य समाचारहरु